گلڻ ڄام ڏاهري : رئيس گلڻ ڄام ڏاهري، نوابشاھہ ضلعي جو هڪ اهم زميندار ٿي گذريو آهي. هي رئيس سردار جان محمد ڏاهريءَ جو فرزند هو ۽ سال 1901ع ۾ ڳوٺ سردار رضا محمد ڏاهري، تعلقي دولتپور ۾ پيدا ٿيو. هن دولتپور مان سنڌي فائنل پاس ڪئي. ضلعي ڪائونسل نوابشاھہ جو ميمبر رهيو ۽ صوبائي اسيمبليءَ جي چونڊ بہ وڙهيو ۽ اها صوبائي سيٽ ٻن تعلقن: موري ۽ سڪرنڊ تي مشتمل هئي. رئيس گلڻ ڄام يونين ڪائونسل دولتپور جو چيئرمئن رهيو. ماڻهن جا بي ريا فيصلا ڪندو هو. علائقي جي ماڻهن ۾ سندس وڏو اثر رسوخ هو ۽ سندن مسئلن کي حل ڪرڻ ۾ خاص دلچسپي رکندو هو. کيس پنھنجي زمينداري بہ هئي، جنهن جي سار سنڀال خود ڪندو هو. وڏو اوطاقي، مهمان نواز ۽ راڄ ڀاڳ سان پيار ڪندڙ شخص هو. رئيس گلڻ ڄام ڏاهريءَ، 8 جولاءِ 1971ع تي جمعي جي رات وفات ڪئي، کيس سندس ڳوٺ ڀرسان شاھہ حسين قبرستان ۾، شاھہ حسين جي روضي جي دروازي وٽ دفن ڪيو ويو.
1971.07.08 عيسوي
رئيس گلڻ ڄام ڏاهريءَ، 8 جولاءِ 1971ع تي جمعي جي رات وفات ڪئي، کيس سندس ڳوٺ ڀرسان شاهه حسين قبرستان ۾، شاهه حسين جي روضي جي دروازي وٽ دفن ڪيو ويو.