گل محمد چنا

گل محمد چنا : مشھور اديب گل محمد ولد محمد عمر چنا، 3 اپريل 1937ع تي نوابشاھہ شھر ۾ جنم ورتو. پرائمري تعليم غريب آباد اسڪول مان حاصل ڪري، مئٽرڪ ايڇ. ايم. خواجہ هاءِ اسڪول مان ڏنائين. شاگرديءَ واري دؤر ۾ ’ادا‘ مئگزين جاري ڪيائين. ايڇ. ايم. خواجہ کيس گهڻو ڀائيندو هو. اڳتي هلي ايڇ. ايم. خواجہ اسڪول ۾ استاد مقرر ٿيو. اسڪول ۾ پڙهائڻ دوران هن ڪيترن غريب شاگردن کي ڪتاب ۽ ڪپڙا وٺي ڏنا. 1962ع ڌاري بئنڪ ۾ نوڪري لاءِ امتحان ڏنائين، جنهن ۾ پاس ٿي بئنڪ ۾ ملازم مقرر ٿيو. نوڪريءَ دوران تقريباً سڄي سنڌ جي شهرن ۾ سندس بدلي ٿيندي رهي. 1974ع ڌاري ’Banking Magazine‘ نالي سان رسالو جاري ڪيائين. گل محمد چنا نوڪريءَ دوران ڪنڌڪوٽ ۽ شھدادڪوٽ سميت ڪيترن شهرن ۾ ڪاليج کولرايا، جتي نوڪريءَ جي حوالي سان رهيو، اتي سنڌي ادبي سنگت شاخ جو ميمبر ٿي رهيو. سڪرنڊ، دادو، شھدادڪوٽ ۽ جيڪب آباد جي شاخن جو سيڪريٽري رهيو. سندس ڪيترا مضمون مختلف سنڌي اخبارن ۽ رسالن ۾ شايع ٿيل آهن. سندس هڪ ناول ’پيار ۽ پڇتاءُ‘ 2007ع ڌاري شايع ٿيو. هو 1997ع ڌاري نوڪري تان رٽائر ٿيو.گل محمد چنا جي وفات 26 جنوري 2003ع تي ٿي.

داخلا ۾ استعمال ٿيل تاريخون

1937.04.03  عيسوي

مشهور اديب گل محمد ولد محمد عمر چنا، 3 اپريل 1937ع تي نوابشاهه شهر ۾ جنم ورتو.

2003.01.26  عيسوي

گل محمد چنا جي وفات 26 جنوري 2003ع تي ٿي.

اديب - ڀاڱي جون ٻِيون داخلائون