سبزواري بهروز

بهروز سبزواري: مشهور ٽي. وي اداڪار بهروز سبزواري جو 16 فيبروري 1957ع تي جنم ٿيو، 1968ع کان بهروز سبزواري ٽي وي اسڪرين تي اچڻ شروع ٿيو. هن ڏهن سالن جي عمر ۾ ٻارن جي فينسي ڊريس شو ۾ شرڪت ڪئي. ان کانپوءِ هن ٻارن جي هڪ ڊرامي ’نانا جان، دادا جان‘ ۾ به ڪم ڪيو. دراصل هن کي پذيرائي شوڪت صديقيءَ جي ناول ’خدا ڪي بستي‘ تان تيار ڪيل سيريز کان ملي، جنهن ۾ هن يادگار ڪردار ادا ڪيو. ان کانپوءِ هن مشهور ڊرامن ’ميرا نام منگو‘، ’تعبير‘، ’آبگيني‘، ’ان ڪهي‘ ۽ ’آگهي‘ وغيره ۾ اداڪاريءَ جا جوهر ڏيکاريا. هن سنجيده ۽ مزاحيه ٻئي ڪردار ادا ڪيا آهن. تاج حيدر جي سيريل ’پروفيسر‘ ۾ هن هڪ بيوقوف نوجوان جو ڪردار ادا ڪري مزاحيه ڪردارنگاريءَ ۾ به ڪاميابي حاصل ڪئي. حسينه محبت جي ڊرامي ’تنهائيان‘ ۾ سندس ڪردار ’قباچه‘ کي ڪافي پذيرائي ملي، جيڪو اڳتي هلي سندس سڃاڻپ بڻجي ويو. بهروز سبزواري مختلف انٽرويوئن ۾ پاڻ کي ’سنڌي‘ سڏائيندو آهي. هن ڪجهه فلمن ۾ به ڪم ڪيو آهي، پر سندس خاص سڃاڻپ ٽي. وي اداڪار واري آهي.

داخلا ۾ استعمال ٿيل تاريخون

1957.02.16  عيسوي

مشهور ٽي. وي اداڪار بهروز سبزواري جو 16 فيبروري 1957ع تي جنم ٿيو،

شخصيتون - ڀاڱي جون ٻِيون داخلائون