داخلا نمبر 1054
عنوان اسد جمال پلي ڊاڪٽر
شاخ شخصيتون
پڙهيو ويو 926 ڀيرا
داخلا جو حوالو
اسد جمال پلي

اسد جمال پلي

اسد جمال پلي ڊاڪٽر

اسد جمال پلي، ڊاڪٽر: ڊاڪٽر اسد جمال پلي، 3 نومبر 1957ع تي ڳوٺ حاجي بخش پلي، ضلعي عمرڪوٽ ۾ ڄائو. سندس والد مرحوم محمد عمر المعروف معمور يوسفاڻي، سنڌ جو ناميارو عالم ۽ اديب ٿي گذريو آهي. ڊگري ڪاليج عمرڪوٽ مان انٽر ڪيائين، جنهن کان پوءِ بي. اي ۽ اديب فاضل جون ڊگريون ورتائين. بعد ۾ لياقت ميڊيڪل ڪاليج ڄامشوري مان ايم. بي. بي. ايس ڪري، ڊاڪٽريءَ جو پيشو اختيار ڪيائين. ڊاڪٽر اسدا جمال پليءَ، هن وقت تائين ادبي دنيا ۾ پاڻ کي هڪ نثر نويس طور متعارف ڪرايو آهي، جنهن ۾ هن لطيفيات، سنڌي گرامر ۽ آثار قديمه بابت چڱو ڪم ڪيو آهي. سندس ڇپيل ڪتابن ۾ ”وليون وڻ ڦلاريا“ (ترتيب)، ”جيڪي آهي اڄ“ (ترتيب)، ”چنڊ جهڙا پرين“ (ڪلام ولي محمد وفا:ترتيب) ۽ ”وڙهيا، واڳيا، واپريا“ (صوفي صديق فقير سومري جي سوانح ۽ ڪلام جي ترتيب) ۽ ”ڪيا سانگ سانوڻ“ (ڪلام ڪريم پلي:ترتيب) شامل آهن. سندس علمي ادبي خدمتن عيوض کيس ”منٺار فقير اڪيڊمي اوارڊ“ پڻ مليو آهي. هن شاهه جي مختلف سرن ۾ ڪم آيل ٻوليءَ جي صرفي ۽ نحوي بناوتن ۽ شاهه جي شاعريءَ ۾ سور جي فلسفي تي داد لائق تحقيقي ڪم ڪيو آهي. ان کان سواءِ پنهنجي والد مرحوم جا ڪيترا ڪتاب (1) ڍوليو ڍٽ ڍڻي (2003) (2) ڀٽائيءَ جو مطالعو (2005ع) ۽ ٻيا ڪتاب ترتيب ڏئي ڇڏيا آهن. هن وقت قاسم آباد، حيدرآباد ۾ رهائش پذير آهي.


هن صفحي کي شيئر ڪريو

داخلا ۾ استعمال ٿيل تاريخون

1957.10.03  عيسوي

ڊاڪٽر اسد جمال پلي، 3 نومبر 1957ع تي ڳوٺ حاجي بخش پلي، ضلعي عمرڪوٽ ۾ ڄائو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون