داخلا نمبر 4347
عنوان الطاف پيرزادو
شاخ شخصيتون
پڙهيو ويو 543 ڀيرا
داخلا جو حوالو انسائيڪلوپيڊيا سنڌيانا جي پهرين جلد جو ضميمو
الطاف پيرزادو

الطاف پيرزادو

الطاف پيرزادو

الطاف پيرزادو: مشهور صحافي ۽ ليکڪ الطاف پيرزادي، 12 آڪٽوبر 1972ع تي ڳوٺ ٻلهڙيجي، تعلقي ڏوڪري، ضلعي لاڙڪاڻي ۾ جنم ورتو. هن پرائمري تعليم ڳوٺ مان ۽ مئٽرڪ گورنمنٽ هاءِ اسـڪـول ڏوڪـريءَ مـان
(1991ع) پاس ڪئي. شاهه عبداللطيف يونيورسٽي خيرپور مان 2006ع ۾ صحافت شعبي ۾ ماسٽرس ڪيائين. هن جنوري 1993ع کان روزاني اخبارجاڳو‘ ڪراچيءَ ۾ پروف ريڊر طور ڪم ڪيو، بعد ۾ روزاني عوامي آواز ۽ روزاني سنڌ (حيدرآباد) ۾ سب ايڊيٽر رهيو، ان سان گڏ روزاني سنڌ حيدرآباد جو لاڙڪاڻي لاءِ بيورو چيف (1996ع)، روزاني تعمير سنڌ ڪراچي/سکر جو لاڙڪاڻي لاءِ بيورو چيف (1998ع)، روزاني تعمير سنڌ جو ڪراچيءَ لاءِ بيورو چيف (2000ع) به رهيو ۽ 2002ع ڌاري روزاني ’ڪاوش‘ حيدرآباد جو سب ايڊيٽر رهيو. 2002ع ڌاري ايسوسيئيٽيڊ پريس آف پاڪستان ڪارپوريشن (اي. پي. پي) ۾ رپورٽر ۽ ٽرانسليٽر طور ملازمت اختيار ڪيائين. 2009ع ۾ ريڊيو پاڪستان ۾ خبرن واري شعبي لاءِ سب ايڊيٽر چونڊيو ويو. 2010ع واري ٻوڏ ۾ رپورٽنگ ڪرڻ تي مڃتا طور کيس ريڊيو پاڪستان طرفان چين جي شهر شنگهائيءَ ۾ صحافين لاءِ 13 کان 27 سيپٽمبر 2010ع تائين ڪورس ۾ شرڪت لاءِ موڪليو ويو ۽ کيس سال جي بهترين رپورٽر جي اوارڊ سان به نوازيو ويو. 1998ع ۾ عالمي نشرياتي اداري بي. بي. سي ٽيليويزن سان ڪاروڪاري رسم بابت دستاويزي فلم لاءِ گائيڊ طور ڪم ڪيائين ۽ ريڊيو پاڪستان لاءِ سنڌ ۾ ’ڀنگ لاءِ اغوائون‘ جي عنوان تي ڊاڪيومينٽريون به تيار ڪيائين. هن وقت ريڊيو پاڪستان لاڙڪاڻي جو سب ايڊيٽر آهي.


هن صفحي کي شيئر ڪريو

داخلا ۾ استعمال ٿيل تاريخون

12.10.1972  عيسوي

مشهور صحافي ۽ ليکڪ الطاف پيرزادي ، 12 آڪٽوبر 1972ع تي ڳوٺ ٻلهڙيجي ، تعلقي ڏوڪري ، ضلعي لاڙڪاڻي ۾ جنم ورتو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون