داخلا نمبر 4028
عنوان امام علي مرزا ڊاڪٽر
شاخ شخصيتون
پڙهيو ويو 920 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو
ڊاڪٽر امام علي مرزا

ڊاڪٽر امام علي مرزا

امام علي مرزا ڊاڪٽر

امام علي مرزا ڊاڪٽر: ڊاڪٽر ميرزا امام علي بيگ افسر ولد ميرزا امداد علي ٽنڊي آغا ( حيدرآباد ) جي علمي ، ادبي ۽ مذهبي ميرزا گهراڻي ۾ 14 آگسٽ 1960ع ۾ جنم ورتو . ابتدائي تعليم حاصل ڪرڻ کانپوءِ مئٽرڪ 1977ع ۾ گورنمينٽ هاءِ اسڪول مان ، انٽر سچل سرمست آرٽس ڪاليج مان 1979ع ۾ پاس ڪيائين . بي . اي ۽ ايم . اي ( سنڌي ) سٽي آرٽس ڪاليج مان پاس ڪري ’سنڌ جي عزاداري ‘ جي عنوان سان سنڌ يونيورسٽيءَ مان 1996ع ۾ پي . ايڇ . ڊي ( سنڌي ) جي سند حاصل ڪيائين . عملي زندگيءَ جي شروعات 1978ع کان جيل کاتي کان شروع ڪيائين . ريڊيو حيدرآباد ۽ سنڌالاجيءَ ۾ پڻ ملازمت ڪيائين ۽ آخر ڪميشن جو امتحان پاس ڪري ليڪچرر جي عهدي تي سٽي آرٽس ڪاليج ۾ مقرر ٿيو . ترقيءَ جون منزلون طئي ڪندو هن وقت ريجنل ڊائريڪٽر آف ڪاليجز حيدرآباد جي عهدي تي فائز آهي . ايران جو ٽي دفعا سير ڪيائين . علمي ادبي ماحول جي پرورش سبب کيس ننڍپڻ کان ئي نثر ۽ نظم لکڻ جو شوق هو . سندس پي . ايڇ . ڊي جي ٿيسز ’سنڌ جي عزاداري ‘ شايع ٿي چڪي آهي ۽ ان جو اردو ترجمو پڻ شايع ٿيل آهي . ان کانسواءِ ’سنڌي مرثيي جي تاريخ ‘ ، ’مرثين جو مجموعو ‘ ، ’دينيات جا ٽي ڪتاب ‘ پڻ شايع ٿي چڪا آهن . سندس ڪجهه ڪتاب ڇپائي جا منتظر آهن . ميرزا افسر جا ڪيترائي تحقيقي مقالا ۽ مضمون نئين زندگي ، پيغام ، اظهار ، مهراڻ ، پنجتني اخبار ۽ ٻين رسالن ۾ پڻ شايع ٿي چڪا آهن . عزاداري جي ڏهاڙن ۾ ميرزا افسر مرثيه ۽ سلام پڻ پڙهندو آهي . ۽ مختلف نعتيه محفلن ۾ نعت خواني پڻ ڪندو آهي . شاعري جي شروعات پڻ ننڍپڻ کان شروع ڪيائين . شاعري جي صنفن ۾ مرثيه ، سلام ، غزل ، قصيدو ، قطعه تاريخ ، رباعي ۽ نوحي جي صنفن تي پڻ طبع آزمائي ڪندو آهي . ٽنڊي آغا جي قديم ۽ مشهور امام بارگاهه علي آباد ۾ منعقد ٿيندڙ هر طرحي مشاعري ۾ پڻ شرڪت ڪري داد حاصل ڪندو آهي


هن صفحي کي شيئر ڪريو

داخلا ۾ استعمال ٿيل تاريخون

1960.08.14  عيسوي

امام علي مرزا ڊاڪٽر: ڊاڪٽر ميرزا امام علي بيگ افسر ولد ميرزا امداد علي ٽنڊي آغا ( حيدرآباد ) جي علمي ، ادبي ۽ مذهبي ميرزا گهراڻي ۾ 14 آگسٽ 1960ع ۾ جنم ورتو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون