آغا بدر الدين دراني
آغا بدرالدين دراني
آغا بدرالدين دُراني: آغا بدرالدين ولد آغا شمس الدين دراني ڳڙهي ياسين ضلعي شڪارپور جي دراني پٺاڻن مان مشھور سياستدان ۽ علم دوست انسان ٿي گذريو آهي. 23 مارچ 1912ع ۾ شڪارپور ۾ ڄائو. مئٽرڪ ڪراچي مان ڪيائين ۽ پوءِ اعليٰ تعليم علي ڳڙھہ يونيورسٽيءَ مان ورتائين. فارسي، سنڌي، اردو ۽ انگريزي ٻولين ۽ ادب تي عبور حاصل هئس. 1937ع ۾ انڊيا مسلم ليگ'>آل انڊيا مسلم ليگ ۾ شامل ٿيو ۽ مرڻ گهڙيءَ تائين انهيءَ سان لاڳاپيل رهيو. مسلم ليگ جو ضلعي صدر پڻ رهيو. ان کان سواءِ صوبائي اليڪشن ڪميشن جو ميمبر بہ رهيو. ڊسمبر 1946ع ۾ مسلم ليگ ڪائونسل جو ميمبر چونڊيو ويو. چونڊن ۾ ڪانگريس جي اميدوار کي شڪست ڏئي صوبائي اسيمبليءَ جو ميمبر ٿيو. 1947ع ۾ صوبائي اسيمبليءَ جو ڊپٽي اسپيڪر چونڊيو ويو. 1953ع جي چونڊن ۾ ٻيھر ميمبر ٿيو ۽ کيس سنڌ اسيمبليءَ جو اسپيڪر چونڊيو ويو. سندس ذاتي ڪتب خانو ”آشيانه ادب“ نالي سان ناياب قلمي نسخن، نوادارات ۽ قيمتي ڪتابن سان ڀريل آهي. هي ڪتبخانو سنڌ جي نادر ۽ وڏن ڪتبخانن ۾ شمار ٿئي ٿو. هن 1937ع ۾ هفتيوار اخبار ”پيغام صلح“ جاري ڪئي. آغا صاحب سنڌي ادبي بورڊ جو ميمبر رهي چڪو آهي. حج جي سعادت بہ حاصل ڪئي اٿس. سندس لکيل سفرنامو ”مسافر حجاز“، سال 1950ع ۾ شايع ٿيو، جيڪو ورهاڱي کانپوءِ حج جو پھريون سفرنامو آهي. ان کان سواءِ هن جي ٻين ڪتابن ۾ ”ڪامرسِ ان پاڪستان“ ۽ ”سنڌ ۽ هتي جا ماڻهو“ مشھور آهن. آغا صاحب 26 جنوري 1965ع تي وفات ڪئي
لفظ آغا بدرالدين درانيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1912.03.23 عيسوي
آغا بدرالدين 23 مارچ 1912ع ۾ شڪارپور ۾ ڄائو .
1965.01.26 عيسوي
آغا بدرالدين 26 جنوري 1965ع تي وفات ڪئي.
سياسي ۽ سماجي - ڀاڱي جون ٻِيون داخلائون
ڀائيبند پئنچاتبچاڻي شمشاد بيگم
آچاريه ڪرپالاڻي
عبدالواحد آريسر
آنند هنڱوراڻي
امير بخش ڀٽو
آفتاب شاھہ جيلاني
ارباب ذوالفقار علي
احمد علي خان جلباڻي
امير حيدر ڪاظمي