آفتاب احمد شيخ
آفتاب احمد شيخ
آفتاب احمد شيخ:: آفتاب احمد شيخ ڀارت جي شھر بنارس ۾، 17 ڊسمبر 1934ع ۾ ڄائو. پاڪستان ٺھڻ کان پوءِ سندس والد اعجاز الدين شيخ، ديري اسماعيل خان ۾ لڏي آيو ۽ پوءِ حيدرآباد سنڌ ۾ مستقل رهائش اختيار ڪيائين. آفتاب شيخ ابتدائي تعليم بنارس ۾ ورتي، پر مئٽرڪ جو امتحان غلام حسين هدايت ﷲ اسڪول حيدرآباد مان پاس ڪيائين. 1958ع ۾ سٽي آرٽس ڪاليج مان بي. اي ڪيائين، 1960ع ۾ سنڌ لا ڪاليج مان ايل. ايل. بي پاس ڪيائين. 1963ع ۾ قاضي سميع صديقي مرحوم، محمد اي. ميمڻ ۽ ٻين علمي شخصيتن جي تعاون سان سٽي آرٽس ڪاليج ۾ جناح لا ڪاليج جو بنياد رکيائين ۽ پاڻ اتي استاد ٿي پڙهائڻ لڳو. 1979ع ۾ جناح لا ڪاليج جو پرنسپال ٿيو. پڙهائڻ سان گڏوگڏ، هيءُ وڪالت بہ ڪندو رهيو. بعد ۾ سياست ۾ حصو ورتائين. 1964ع ۾ ايوب خان جي دؤر ۾ بي. ڊيءَ جو ميمبر ٿيو. 1977ع ۾ ڪجهہ مهينا سنڌ اسيمبليءَ جو ميمبر بہ ٿيو. 88-1987ع ۾ ڊسٽرڪٽ بار ائسوسيئيشن جو بنا مقابلي صدر ٿيو. 1987ع ۾ حيدرآباد جو ميئر ۽ 1988ع جي چونڊن ۾ ايم. ڪيو. ايم جي ٽڪيٽ تان قومي اسيمبليءَ جو ميمبر ٿيو. ڪجهہ وقت سنڌ حڪومت ۾ قانون کاتي جو صلاحڪار بہ رهيو. 15 آگسٽ 2020ع تي روڊ حادثي ۾ زخمي ٿيو ۽ 28 آگسٽ 2020ع تي وفات ڪري ويو.
لفظ آفتاب احمد شيخھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1934.12.17 عيسوي
آفتاب احمد شيخ ڀارت جي شهر بنارس ۾، 17 ڊسمبر 1934ع ۾ ڄائو.
2020.08.28 عيسوي
آفتاب احمد شيخ 28 آگسٽ 2020ع تي وفات ڪري ويو.
شخصيتون - ڀاڱي جون ٻِيون داخلائون
استاد سينڌو خانسسئي
چانڊيو منير احمد
ضياء الحسين لنجار
طفيل علي عبدالرحمان
ٽلومل آڏواڻي
راڻي آتمارام گدواڻي
ٻڌ
جوليان پال اسانج
راشدي سليم