ابوالاعليٰ مودودي

ابوالاعليٰ مودودي: ناميارو عالمِ دين، قرآن پاڪ جو مفسر ۽ جماعت اسلاميءَ جو باني مولانا ابوالاعليٰ مودودي، 25 سيپٽمبر 1903ع تي اورنگ آباد، دکن (ڀارت) ۾ ڄائو. هن باضابطه تعليم صرف مئٽرڪ تائين حاصل ڪئي، پر محنت ۽ ذهانت سبب عربي، فارسي، اردو ۽ انگريزي ٻولين ۾ مهارت حاصل ڪري ورتائين.
سترهن سالن جي ڄمار ۾ صحافتي زندگيءَ جي شروعات اخبار ’مدينه‘ کان ڪيائين، جنهن کان پوءِ 1921ع کان 1923ع تائين، جمعيت العلماءِ هند جي اخبار ’مسلم‘ ۽ ’الجمعية‘ جو ايڊيٽر مقرر ٿيو. ان وچ ۾ تحريڪ خلافت ۽ ٻين تحريڪن ۾ حصو وٺندو رهيو. ملازمت ۽ سياسي سرگرمين سان گڏوگڏ حديث، فقه، تفسير، فلسفي ۽ منطق جو مطالعو پڻ ڪندو رهيو. 1928ع ۾ ’الجمعية‘ جي ادارت ترڪ ڪري، حيدرآباد دکن هليو ويو، جتان بعد ۾ 1932ع ڌاري ماهنامه ’ترجمان القرآن‘ جاري ڪيائين. بعد ۾ پنجاب آيو ۽ 26 آگسٽ 1941ع تي، لاهور ۾ ’جماعت اسلاميءَ‘ جو بنياد وڌائين، ان کان پوءِ پٺاڻ ڪوٽ وڃي ’دارالاسلام‘ قائم ڪيائين. 1947ع ۾ لاهور پهچي مستقل رهائش اختيار ڪيائين. 1953ع ۾ ختم نبوت جي تحريڪ هلي، تہ ڪتاب ’قادياني مسئله‘ لکڻ تي فوجي عدالت کيس موت جي سزا ٻڌائي، اُن فيصلي خلاف وڏا اجتماع ٿيا ۽ جلسا جلوس ڪڍيا ويا. نتيجي طور سندس موت جي سزا، عمر قيد ۾ بدلجي ويئي، تڏهن بہ ٽن سالن جي قيد ڪاٽڻ کان پوءِ، آزاد ٿيو. 6 جنوري 1964ع تي مولانا ٻيهر گرفتار ٿيو ۽ سپريم ڪورٽ جي حُڪم تي وري آزاد ٿيو. 1970ع ۾ جماعت اسلاميءَ تان استعيفا ڏئي، سياست کان گوشه نشين ٿي ويو.
مولانا مودوديءَ جي تصنيفن جو تعداد، پنجاھہ کان وڌيڪ آهي. دينيات، تاريخ، سياسيات، عمرانيات، قانون، ادبيات، معاشيات ۽ حديث جي موضوعن تي لکيل سندس تصنيفون قابلِ ذڪر آهن. سندس قرآن پاڪ جو تفسير ’تفهيم القرآن‘ تمام گهڻو مشھور آهي. هن 25 ڊسمبر 1979ع تي وفات ڪئي.

داخلا ۾ استعمال ٿيل تاريخون

1903.09.28  عيسوي

ناميارابوالاعليٰ مودودي: و عالمِ دين ، قرآن پاڪ جو مفسر ۽ جماعت اسلاميءَ جو باني مولانا ابوالاعليٰ مودودي ، 25 سيپٽمبر 1903ع تي اورنگ آباد ، دکن ( ڀارت ) ۾ ڄائو .

1953.00.00  عيسوي

1953ع ۾ ختم نبوت جي تحريڪ هلي

1979.12.25  عيسوي

ابوالاعليٰ مودودي: هن 25 ڊسمبر 1979ع تي وفات ڪئي .

ديني عالم - ڀاڱي جون ٻِيون داخلائون