احساس ميرل
احساس ميرل
احساس ميرل: احساس ميرل سھتي 15 ڊسمبر 1984ع تي ڳوٺ نئين وسي، ضلعي مٽياري ۾ نور محمد سھتي جي گهر ۾ جنم ورتو. پرائمري ۽ ثانوي تعليم ’کنڊو‘ ۽ اڏيري لال اسٽيشن مان حاصل ڪئي. اڏيري لال ۾ پڙهائي دؤران امين اڏيرائي کان شاعري جي سکيا پڻ ورتي. 2015ع ۾ اڏيري لال ۾ ”احساس ميرل ادبي لائبريري“ قائم ڪئي، جتي ڪيترائي ادبي پروگرام پڻ ڪرائي چڪو آهي. کيس سنڌي ادبي سنگت، شاخ قاضي احمد پاران، 2016ع ۾ مڃتا اوارڊ، سنڌي ادبي سنگت شاخ ٽنڊي الھيار پاران 2016ع ۾ ايڪتا مشاعرو اوارڊ، سنڌي ادبي سنگت، مرڪز طرفان، شاخ جي بھترين ڪارڪردگي تي 2017ع جو مڃتا سرٽيفڪيٽ، ٽائون ڪميٽي چمبڙ پاران 2018ع ۾ بھترين شاعر جو سرٽيفڪيٽ، مصري شاھه ميموريل ڪميٽي نصرپور پاران 2019ع ۾ شاندار ادبي خدمتن تي سرٽيفڪيٽ، دي روز انٽرنيشنل مٽياري پاران 2019ع ۾ علمي ادبي ۽ ثقافتي جاکوڙ تي مڃتا اوارڊ، ريڊيو نيٽ ورڪ جهول پاران 2019ع ۾ بھترين شاعر جو اوارڊ ۽ دي سٽيزن فائونڊيشن سيڪنڊري اسڪول اگهم وساڻ پاران 2020ع ۾ ادبي خدمتن عيوض نشان شاھہ عبداللطيف ڀٽائي اوارڊ ملي چڪا آهن. سندس ڇپيل ڪتابن ۾ ’تو زندگي چيو هو‘ (شاعري: 2014ع)، ’جڏهن هو زلف ڇوڙي ٿو‘ (شاعري: 2016ع)، ’سخنور سنڌ ڌرتي جا‘، (ٻہ ڀاڱا: 2017ع ۽ 2018ع) ’درد گِنگهرو ٻڌا‘ (شاعري: 2019ع)، ’مان شھر اڏيري ٽيشڻ جو‘ (سفر ۽ ساروڻيون: 2020ع) ۽ ’ڪيئن الائي عيد آئي‘ (ترتيب: 2020ع) شامل آهن.
لفظ احساس ميرلھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1984.12.15 عيسوي
احساس ميرل سهتي 15 ڊسمبر 1984ع تي ڳوٺ نئين وسي، ضلعي مٽياري ۾ هڪ پورهيت نور محمد سهتي جي گھر ۾ جنم ورتو.
شاعر - ڀاڱي جون ٻِيون داخلائون
گلزارخوش خير محمد هيسباڻي
اصغر سيتائي
بشير بيوس اوٺو
مير حاجن مير
سروپچندر شاد
شاھہ حسين ماڌو لال
روشن تبسم
لطف سيال
ڀڳت جُمڙو مل