ارشاد سومرو
ارشاد سومرو
ارشاد سومرو: شاعره ۽ ڪالم نويس ارشاد سومرو، 27 ڊسمبر 1958ع تي محمد هاشم سومري جي گهر ۾، ٻپڙ محلي رتيديري، ضلعي لاڙڪاڻي ۾ پيدا ٿي. هن ابتدائي ۽ ثانوي تعليم رتيديري مان حاصل ڪئي. جڏهن ته ايم اي (سنڌي)، شاهه عبداللطيف يونيورسٽي خيرپور مان ۽ بي. ايڊ جي ڊگري علامه اقبال اوپن يونيورسٽي حيدرآباد مان حاصل ڪئي. ارشاد سومرو ’شاهه عبداللطيف جي شاعريءَ ۾ تصوف جو رنگ‘ جي عنوان تي ڊاڪٽر نور افروز خواجه جي نگرانيءَ ۾ ايم. فِل ڪري رهي آهي. هن لـکڻ جي شروعات 2004ع کان ڪئي. سندس شاعري، ڪھاڻيون، مضمون ۽ مقالا مختلف اخبارن ۽ رسالن ۾ ڇپجندا رهن ٿا. روزاني ’سنڌ ايڪسپريس‘ ۾ هفتيوار ڪالم به لکندي رهي آهي. بيڪن هائوس اسڪول سسٽم حيدرآباد ۾ سنڌيءَ جي استاد طور پڙهائي چڪي آهي. سندس ڇپيل ڪتابن ۾: ’گهڙي غمن جي ڀاري آ‘ (2015ع)، ’درد جو ڇو انت نه آ‘ (2016ع)، ’ڌرتيءَ جي دانھن‘ (مضمون: 2018ع)، ’صدين جي اُڃ‘ (ڪھاڻيون: 2021ع) ۽ ’سنڌ سموري گهايل ڇو؟‘ (نئين ڪوِتا: 2021ع) شامل آهن. کيس مڃتا طور بيڪن هائوس مڃتا اوارڊ ۽ لائيف ٽائيم اچيومينٽ اوارڊ ملي چُڪا آهن. هن وقت روڪ فورڊ اسڪول حيدرآباد ۾ سنڌي ٻوليءَ جي استاد طور پڙهائي رهي آهي.
لفظ ارشاد سومروھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1958.12.27 عيسوي
شاعره ۽ ڪالم نويس، ارشاد سومرو، 27 ڊسمبر 1958ع تي محمد هاشم سومري جي گهر ۾، ٻپڙ محلي رتيديري، ضلعي لاڙڪاڻي ۾ پيدا ٿي.
شاعر - ڀاڱي جون ٻِيون داخلائون
گلاب چانڊيوٽالپر مير غلام علي خان غلام
ڪوثر ٻرڙو
اميد علي ڪلهوڙو
سانوڻ فقير
ابل اداس ٻٻر
دانتي
خليل لاشاري
محمد ابراهيم خليل ٺٽوي
پريتم هنڱوراڻي