جيڪي ڀاڳناڻي

جيڪي ڀاڳناڻي: بالي ووڊ جو مشھور سنڌي پروڊيوسر ۽ اداڪار جيڪي ڀاڳناڻي، 25 ڊسمبر 1984ع ۾ ڪلڪتي، هندستان ۾ پيدا ٿيو. هن ڪامرس ۾ گريجوئيشن ڪئي آهي. ڪجهہ وقت اسسٽنٽ پروڊيوسر طور پنھنجي پيءُ سان گڏ ڪم ڪرڻ کانپوءِ هن باقاعدي 2009ع ۾ فلم ’ڪل ڪس ني ديکا هئي‘ ۾ اداڪار طور ڪم ڪيو، جنهن کي گهڻو پسند ڪيو ويو ۽ کيس آئيفا اوارڊ مليو. 2011ع ۾ هن فلم فالتوءَ ۾ ڪم ڪيو، پر کيس صحيح معنيٰ ۾ شھرت ’عجب غضب لوَ‘ ۾ اهم ڪردار ادا ڪرڻ سان ملي. سندس ايندڙ فلمون آهن: ’رنگريز‘ ۽ ’ممبئي پوليس‘. جيڪي ڀاڳناڻيءَ جو پيءُ وشو ڀاڳناڻي پڻ ڄاتل سڃاتل فلم پروڊيوسر آهي، جنهن جون پيش ڪيل مشھور فلمون آهن: ڪولي نمبر-1 (1995ع)، مجهي ڪڇ ڪهنا هئي (2001ع)، رهنا هئي تيري دل ۾ (2002ع)، اوم جئہ جگديش (2002ع)، شادي نمبر-1 (2005ع)، سلسلي (2005ع)، ڪل ڪس ني ديکا (2009ع) ۽ فالتو (2011ع) وغيرہ. هن ئي پنھنجي پٽ کي فلمن ۾ متعارف ڪرايو آهي.

داخلا ۾ استعمال ٿيل تاريخون

1984.12.25  عيسوي

بالي ووڊ جو مشهور سنڌي پروڊيوسر ۽ اداڪار جيڪي ڀاڳناڻي، 25 ڊسمبر 1984ع ۾ ڪلڪتي، هندستان ۾ پيدا ٿيو.

شخصيتون - ڀاڱي جون ٻِيون داخلائون