رام رسيلا: مشهور سنڌي اداڪار، هدايتڪار، گائڪ ۽ ليکڪ رام رسيلا جو جنم، 12 ڊسمبر 1922ع تي ڪراچيءَ ۾ ٿيو. مئٽرڪ تائين تعليم پرايائين، ورهاڱي بعد خاندان سان گڏ هندستان هليو ويو. هن ڪيترن هندي، سنڌي ۽ گجراتي ناٽڪن ۾ هدايتڪاري ڪري پاڻ مڃرايو ۽ ڪن ناٽڪن ۾ پاڻ به اداڪاري ڪئي. رام رسيلا هدايتڪار ۽ اداڪار سان گڏ سٺو فنڪار به هو. هن ڪيترن ناٽڪن جا گيت پڻ ڳايا. هن سنڌي فلم سسئي پنهون هندي فلم نر پاٽا ۾ گيتن جي موسيقي ڏني. رام رسيلا جي ڇپيل ڪتابن ۾ ’عبرت‘ ۽ ’لڪايان داغ‘ قابل ذڪر آهن. اکل ڀارت سنڌي ساهتيه سميلن پاران 1978ع ۾ ’پکيئڙا پڃري جا پراڻي‘ ناٽڪ ۾ هدايتڪاريءَ جو اوارڊ حاصل ڪري چڪو آهي.
1922.12.12 عيسوي
مشهور سنڌي اداڪار، هدايتڪار، گائڪ ۽ ليکڪ رام رسيلا جو جنم، 12 ڊسمبر 1922ع تي ڪراچيءَ ۾ ٿيو.