سيد شاهه محمد شاهه
سيد شاهه محمد شاهه
سيد شاهه محمد شاهه: تعليمي ماهر، اديب ۽ شاعر سيد شاهه محمد ولد ارباب علي شاهه 15 ڊسمبر 1917ع تي ڳوٺ هنڱوري، تعلقي پني عاقل ۾ جنم ورتو. سندس ڏاڏو محب شاهه وقت جو وڏو ڪامل ولي هو. سندس والد به عربي ۽ فارسيءَ ۾ شعر گوئي ڪندو هو، حافظ شيرازيءَ جي شاعري کيس اڪثر ياد هئي. شاهه محمد شاهه'>سيد شاهه محمد شاهه پرائمري تعليم ڳوٺ مان وٺي، ثانوي تعليم سکر مان حاصل ڪئي. علي ڳڙهه يونيورسٽيءَ مان بي. اي ۽ سنڌ يونيورسٽيءَ مان بي.ٽي جي سند امتيازي نمبرن سان حاصل ڪيائين. جنهن بعد ايم.اي فرسٽ پوزيشن سان پاس ڪري تعليم کاتي ۾ استاد مقرر ٿيو ۽ شڪارپور ۽ سکر ضلعي ۾ هيڊماستر طور خدمتون سرانجام ڏنيون. هو سماجي ۽ سياسي ڪارڪن به هو، خاڪسار تحريڪ ۾ به سندس نمايان خدمتون رهيون. سندس خانداني لڳ لاڳاپا جي. ايم. سيد وارن سان به رهيا. هن لائبريري به قائم ڪئي، جنهن ۾ ڪيترائي ناياب قلمي نسخا ۽ قرآن پاڪ موجود آهن. گهوٽڪيءَ ۾ ملازمت دوران ذاتي ڪوشش وٺي اتي انٽرميڊئيٽ ڪاليج قائم ڪرايائين، جنهن جو پهريون پرنسپال پاڻ ٿيو. شاهه صاحب اسڪول انسپيڪٽر ۽ ڊسٽرڪٽ ايجوڪيشن آفيسر به ٿي رهيو. آگسٽ 1961 کان آڪٽوبر 1962ع تائين سنڌي ادبي بورڊ جو سيڪريٽري به مقرر رهيو. ڪيترو عرصي سنڌ يونيورسٽيءَ جي سينيٽ جو ميمبر ۽ حيدرآباد تعليمي بورڊ جو اڪئڊمڪ رڪن رهيو.
سيد شاهه محمد شاهه اعلى پايي جو شاعر، اديب ۽ نقاد هو. غزل، نظم، مثنوي ۽ قطعات تي خاص غلبو حاصل هئس. شاعريءَ ۾ ’شاد‘ تخلص ڪم آڻيندو هو. سندس اولاد مان سيد نور احمد شاهه، سنڌ حڪومت ۾ سيڪريٽري ٿي رهيو ۽ ٻيو فرزند احمد علي شاهه ڊاڪٽر آهي.
لفظ سيد شاهه محمد شاههھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1917.12.15 عيسوي
تعليمي ماهر، اديب ۽ شاعر سيد شاهه محمد ولد ارباب علي شاهه 15 ڊسمبر 1917ع تي ڳوٺ هنڱوري، تعلقي پني عاقل ۾ جنم ورتو.
اديب - ڀاڱي جون ٻِيون داخلائون
رشمي راماڻيبيدل مسرور
شاهنواز سوڍر ڊاڪٽر
سنڌو ميراڻي
لڇمڻ ڀنڀاڻي
سليم ميمڻ پروفيسر
رسول بخش درس
ڌڻي بخش مگسي
چيٽرجي شرت چندر
ايوب عمراڻي