سيد صدرالدين شاهه
سيد صدرالدين شاهه
سيد صدرالدين شاهه: نامور صوفي بزرگ ۽ شاعر سيد صدرالدين شاهه، 25 آگسٽ 1925ع تي تجل شريف ۾ جنم ورتو. شروعاتي ديني تعليم پنهنجي والد کان حاصل ڪيائين ۽ گڏوگڏ پرائمري جا چار درجا به پڙهيو. ان کانپوءِ عربي ۽ فارسيءَ تي عبور حاصل ڪيائين. پاڻ درگاهه جهوڪ شريف جي سجاده نشين صوفي عبدالستار ثانيءَ جو دست بيعت ٿيو. نهايت عابد، زاهد، نماز، روزي ۽ تهجد جو پابند هو. تجل شريف جي مسجد ۾ امامت ڪندو هو. سلام الله شاهه جي تڪيي تي وچينءَ جي نماز کان پوءِ مراقبي ۾ ويهندو هو. ان کانسواءِ حڪمت به ڪندو هو. حڪيم شمس الدين جي دواخاني تي طب جي سکيا ورتائين. سندس طبي خدمتون مشهور آهن. سٺو شاعر به هو. هن سنڌي، سرائڪي، اردو ۽ فارسي ۾ شاعري ڪئي، حمد، نعت، منقنت، قصيدا، نوحا، ڪافيون ۽ غزل چيائين. پنجتن ۽ 12 امامن سان گهڻي عقيدت رکندو هو. آخري وقت ۾ کيس فالج ٿيو ۽ هن 25 جنوري 2003ع تي تجل شريف ۾ وفات ڪئي. کيس سلام الله شاهه جي تڪيي جي روضي جي اڱڻ ۾ دفن ڪيو ويو، جتي 21، 22 ذوالقعد تي هر سال ميلو لڳندو آهي.
لفظ سيد صدرالدين شاههھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1925.08.25 عيسوي
نامور صوفي بزرگ ۽ شاعر سيد صدرالدين شاهه، 25 آگسٽ 1925ع تي تجل شريف ۾ جنم ورتو.
2003.01.25 عيسوي
سيد صدرالدين شاهه 25 جنوري 2003ع تي تجل شريف ۾ وفات ڪئي. کيس سلام الله شاهه جي تڪيي جي روضي جي اڱڻ ۾ دفن ڪيو ويو، جتي 21، 22 ذوالقعد تي هر سال ميلو لڳندو آهي.
شاعر - ڀاڱي جون ٻِيون داخلائون
اڪبر ساگرراشدي زمان شاهه
اميد خيرپوري
خسته نور محمد
داسي ديوي
عزيز الله عزيز بروهي
اميد علي لغاري
عراقي فخرالدين شيخ
ابراهيم شاهه صوفي
ثنائي مشهدي