سيد عبدالرحمان شاھہ ’اظهر‘: سيد عبدالرحمان شاھہ ولد جان محمد شاھہ 12 ڊسمبر 1931ع تي پياري ڳوٺ، تعلقي دادوءَ ۾ جنم ورتو. پرائمري تعليم گورنمينٽ پرائمري اسڪول پياري ڳوٺ مان حاصل ڪيائين. مئٽرڪ پاس ڪيائين. بي. اي ۽ ايم. اي بہ سنڌ يـونيـورسٽيءَ مان پـاس ڪـيائين. ’اظهر‘ شـاعـر ۽ اديب آهي. شھيد مخدوم بلاول ۽ شاھہ عنايت شھيد صوفي تي سندس مقالا لکيل آهن.
سيد عبدالرحمٰن شاھہ انجمن مخدوم بلاول جو جنرل سيڪريٽري ۽ ڳوٺ سڌار سنگت پيارو اسٽيشن جو سرپرستِ اعلى بہ آهي. سندس مشغلو پڙهڻ پڙهائڻ آهي. ٽيچرس ٽريننگ اسڪول دادوءَ ۾ استادن کي تربيت ڏيندو هو. اهو سلسلو ساندھہ ڪيترا سال جاري رکيائين. سندس رهبريءَ ۽ رهنمائيءَ ۾ هزارين استاد ٽريننگ وٺي چڪا آهن. اڄ تائين اهي استاد، جيڪي هن ڪاليج مان پڙهي نڪتا، سي سندس عزت ۽ احترام ڪن ٿا.
1931.12.12 عيسوي
سيد عبدالرحمان شاهه ولد جان محمد شاهه 12 ڊسمبر 1931ع تي پياري ڳوٺ، تعلقي دادوءَ ۾ جنم ورتو.