شرجيل/فتاح هاليپوٽو

شرجيل/فتاح هاليپوٽو: نامياري ليکڪ ۽ مصور شرجيل جو پورو نالو عبدالفتاح ولد ڪرڙ خان هاليپوٽو آهي. سندس جنم 13 ڊسمبر 1938ع تي قاضي احمد ضلعي نوابشاهه ۾ ٿيو، پر سندس اباڻو ڳوٺ دادو آهي. فتاح هاليپوٽي پرائمري کان بي. اي تائين تعليم دادوءَ مان حاصل ڪئي. پاڻ حيدرآباد جي ٽيچرس ٽريننگ ڪاليج ۾ هڪ وڏي عرصي تائين ڊرائنگ جي استاد طور خدمتون سرانجام ڏنائين، جتان 1998ع ۾ رٽائر ڪيائين.
فتاح هاليپوٽي جو ننڍپڻ کان ئي لاڙو چترڪاريءَ طرف رهيو، هن لا تعداد تصويرون ٺاهيون ۽ بي شمار ڪتابن جا سر ورق ڊزائن ڪيا. ان کان سواءِ ٻيون انيڪ ڊزائينون ٺاهيون، ڊرائنگس، مونو گرامس، گرافڪ ورڪس، سيٽ ڊزائننگ ۽ پورٽريٽس جو ڪم ڪيو اٿس.
فتاح هاليپوٽي جو شمار برک سنڌي ڪهاڻيڪارن، شاعرن ۽ چترڪارن ۾ ٿئي ٿو. سندس ادبي نالو ‘شرجيل’ آهي. 1970ع کان مسلسل لکندو پيو اچي ۽ هن وقت تائين ڪافي ڪهاڻيون ۽ سوين نثري نظم لکي چڪو آهي. سندس ڪهاڻين جو مجموعو ‘پن ڇڻ کانپوءِ’ ۽ نثري نظمن جو ڪتاب ‘ڇوليون ’ شايع ٿيل آهن، جڏهن ته ڪيترو مواد وٽس قلمي صورت ۾ موجود آهي، جنهن ۾ هڪ ناوليٽ ‘هوا جو وجود’ ۽ آتم ڪٿا ‘الا ڏاهي مَ ٿيان’ پڻ شامل آهن.
هن سنڌ جي ڪيترن اهم ڪتابن جا سر ورق ٺاهيا آهن. فتاح هاليپوٽي جي خطن تي مشتمل هڪ ڪتاب ‘پيارا فتاح’ نامور ڪهاڻيڪار نور گھلوءَ سهيڙيو آهي، جنهن ۾ هن جا ۽ هن ڏانهن لکيل مختلف اديبن جا خط شامل آهن. کيس فني خدمتن عيوض ڪيترائي انعام، اوارڊ ۽ سرٽيفڪيٽ ملي چڪا آهن. پاڻ اڄڪلهه حيدرآباد ۾ رهي ٿو.
: نامياري ليکڪ ۽ مصور شرجيل جو پورو نالو عبدالفتاح ولد ڪرڙ خان هاليپوٽو آهي. سندس جنم 13 ڊسمبر 1938ع تي قاضي احمد ضلعي نوابشاهه ۾ ٿيو، پر سندس اباڻو ڳوٺ دادو آهي. فتاح هاليپوٽي پرائمري کان بي. اي تائين تعليم دادوءَ مان حاصل ڪئي. پاڻ حيدرآباد جي ٽيچرس ٽريننگ ڪاليج ۾ هڪ وڏي عرصي تائين ڊرائنگ جي استاد طور خدمتون سرانجام ڏنائين، جتان 1998ع ۾ رٽائر ڪيائين.
فتاح هاليپوٽي جو ننڍپڻ کان ئي لاڙو چترڪاريءَ طرف رهيو، هن لا تعداد تصويرون ٺاهيون ۽ بي شمار ڪتابن جا سر ورق ڊزائن ڪيا. ان کان سواءِ ٻيون انيڪ ڊزائينون ٺاهيون، ڊرائنگس، مونو گرامس، گرافڪ ورڪس، سيٽ ڊزائننگ ۽ پورٽريٽس جو ڪم ڪيو اٿس.
فتاح هاليپوٽي جو شمار برک سنڌي ڪهاڻيڪارن، شاعرن ۽ چترڪارن ۾ ٿئي ٿو. سندس ادبي نالو ‘شرجيل’ آهي. 1970ع کان مسلسل لکندو پيو اچي ۽ هن وقت تائين ڪافي ڪهاڻيون ۽ سوين نثري نظم لکي چڪو آهي. سندس ڪهاڻين جو مجموعو ‘پن ڇڻ کانپوءِ’ ۽ نثري نظمن جو ڪتاب ‘ڇوليون ’ شايع ٿيل آهن، جڏهن ته ڪيترو مواد وٽس قلمي صورت ۾ موجود آهي، جنهن ۾ هڪ ناوليٽ ‘هوا جو وجود’ ۽ آتم ڪٿا ‘الا ڏاهي مَ ٿيان’ پڻ شامل آهن.
هن سنڌ جي ڪيترن اهم ڪتابن جا سر ورق ٺاهيا آهن. فتاح هاليپوٽي جي خطن تي مشتمل هڪ ڪتاب ‘پيارا فتاح’ نامور ڪهاڻيڪار نور گھلوءَ سهيڙيو آهي، جنهن ۾ هن جا ۽ هن ڏانهن لکيل مختلف اديبن جا خط شامل آهن. کيس فني خدمتن عيوض ڪيترائي انعام، اوارڊ ۽ سرٽيفڪيٽ ملي چڪا آهن. پاڻ اڄڪلهه حيدرآباد ۾ رهي ٿو.

داخلا ۾ استعمال ٿيل تاريخون

1938.12.13  عيسوي

شرجيل فتاح هاليپوٽو جو جنم 13 ڊسمبر 1938ع تي قاضي احمد ضلعي نوابشاهه ۾ ٿيو،

مُصوّر - ڀاڱي جون ٻِيون داخلائون