شيرين جناح
شيرين جناح
شيرين جناح: شيرين جناح، پاڪستان جي باني قائد اعظم محمد علي جناح جي ڀيڻ هئي. هن 1880ع ڌاري بمبئيءَ ۾ جنم ورتو. قائداعظم، شيرين کان عمر ۾ وڏو هو. هن 1904ع ۾ قاسم جعفر ڀائي سان شادي ڪئي، جنهن مان کيس اڪبر علي نالي هڪ پٽ پيدا ٿيو. شيرين پنھنجي مڙس سان گڏ ڀارت جي شھر پوني ۾ رهندي هئي، جتان پهريون ڀيرو قائداعظم جي وفات بعد سندس چاليهي جي موقعي تي 1948ع ۾، ٻيو ڀيرو 1950ع ۾ پاڪستان آئي ۽ 1965ع ۾ پنھنجي ڀيڻ فاطمہ جناح جي وفات بعد سنڌ آئي ۽ هميشہ لاءِ ڪراچيءَ ۾ رهي پئي. شيرين سنڌ ۾ رهڻ بعد پنھنجي ڀاءُ ۽ ڀيڻ جي اصولن ۽ روايتن کي قائم رکيو، کيس سنڌ جي ماڻهن سان محبت هوندي هئي. شيرين جناح عوام جي ڀلائيءَ لاءِ پنھنجي نالي سان ٽرسٽ قائم ڪيو، جنهن لاءِ هن پنھنجي ملڪيت جو چوٿون حصو وقف ڪري ڇڏيو. هوءَ وڏي عمر باوجود ‘شيرين جناح ٽرسٽ’ جي ڪارڪردگي رپورٽ پاڻ ڏسندي هئي. شيرين جناح، 100 سالن جي عمر ۾ 2 ڊسمبر 1980ع تي وفات ڪئي. کيس عبدالله شاھہ غازيءَ جي مزار جي احاطي ۾ دفنايو ويو.
لفظ شيرين جناحھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1980.12.02 عيسوي
شيرين جناح 1880ع ڌاري بمبئيءَ ۾ جنم ورتو. 2 ڊسمبر 1980ع تي وفات ڪئي.
شخصيتون - ڀاڱي جون ٻِيون داخلائون
خداداد خان (ثاني)غلام محمد لغاري ڪامريڊ
آخوند حاجي دين محمد
پنا لال گهوش بانسري نواز
صالح بيگ مرزا ترخان اول
ديوان گدو مل
سيد غلام حيدر شاھہ 2
خانبهادر عظيم خان دراني
اميشا پٽيل
زرياب