سوٽهڙ صوفي نيڀراج

صوفي نيڀراج سوٽهڙ : نامور اديب، شاعر، استاد نيڀراج ولد گنگو مل سوٽهڙ جو ادبي نالو صوفي نيڀراج هو. سندس جنم 14مارچ 1933ع تي ڳوٺ موري منگر تعلقي حيدرآباد ۾ ٿيو. هن پرائمري تعليم ڳوٺ موري منگر ۾ ورتي. ميٽرڪ ۽ عالم اديب فاضل جو امتحان حيدرآباد مان پاس ڪيائين. 1953ع ۾ پرائمري اسڪول دريا خان ناهيون ۾ استاد مقرر ٿيو. ان کانپوءِ مختلف اسڪولن ۾ پڙهايائين. ڊيپوٽيشن تي انگريزي استاد به رهيو. ان کان سواءِ ريڊيو پاڪستان حيدرآباد جي پروگرام فتح خان جي ڪچهري ۾ ڪردار ادا ڪيائين ۽ ٽيليويزن سينٽر ڪراچيءَ تان ڪجهه پروگرام ڪيائين. هن پرائمري ٽيچرس ايسوسيئيشن سنڌ جو ميمبر، سنڌي ادبي سنگت موري منگر، ڳوٺ سڌار سنگت ۽ ٻين تنظيمن ۾ به سرگرم ورڪر طور ڪم ڪيو. سندس شاعري ٽماهي مهراڻ ۽ اخبار تعليم رسالن ۽ روزاني عبرت ۽ آفتاب اخبارن ۾ ڇپيل آهي. صوفي نيڀراج جي شاعريءَ جو ڪتاب ’صوفي جي صدا‘ عنوان سان سندس پٽ ڊاڪٽر ڪرشن لال صوفيءَ مرتب ڪيو آهي، جنهن ۾ غزل، بيت، وايون، حمد، نعت ۽ مرثيه شامل آهن. ان کان علاوه سندس ٻيو شاعري جو ڪتاب ’گفتگو گمنام جي‘ عنوان سان شايع ٿي چڪو آهي ۽ سندس ٽيون شاعري تي مشتمل ڪتاب جيڪو ڇپائيءَ جي مرحلي ۾ آهي صوفي نيڀراج، 16 ڊسمبر 1988ع تي وفات ڪئي. سندس آخري آرام گاهه ڳوٺ موري منگر جي قبرستان يوسف شاهه ۾ آهي.

داخلا ۾ استعمال ٿيل تاريخون

1933.03.14  عيسوي

نامور اديب، شاعر، استاد نيڀراج ولد گنگو مل سوٽهڙ جو ادبي نالو صوفي نيڀراج هو. سندس جنم 14مارچ 1933ع تي ڳوٺ موري منگر تعلقي حيدرآباد ۾ ٿيو.

1988.12.16  عيسوي

صوفي نيڀراج، 16 ڊسمبر 1988ع تي وفات ڪئي.سندس آخري آرام گاهه ڳوٺ موري منگر جي قبرستان يوسف شاهه ۾ آهي.

شاعر - ڀاڱي جون ٻِيون داخلائون