علي گوهر لاهوري
علي گوهر لاهوري
علي گوهر لاهوري: تحريڪ پاڪستان جو نامور اڳواڻ ۽ سياستدان علي گوهر لاهوري ولد نواب حاجي اميد علي خان لاهوري، 12 آڪٽوبر 1912ع تي لاهوري محلي، لاڙڪاڻي ۾ پيدا ٿيو. سندس والد پنهنجي وقت جو نامور سياستدان ۽ وڏيرو هو. علي گوهر ابتدائي تعليم گورنمينٽ پرائمري اسڪول لاڙڪاڻي مان حاصل ڪئي. بعد ۾ 1927ع ۾ ڪرنل بوائونس اسڪول دهر (يو پي، انڊيا) ۽ 1929ع ۾ گرامر اسڪول ڪـوئـيٽا ۾ پـڙهيـو. انـڊيا ۾ پـڙهـڻ دوران رئيس غلام مصطفيٰ ڀرڳڙي، خان عبدالولي خان ۽ خانبهادر دوست محمد هڪڙو سندس هم ڪلاسي رهيا. نواب علي گوهر لاهوري تحريڪ پاڪستان ۾ ڀرپور ڪردار ادا ڪيو. هيءُ مسلم ليگ لاڙڪاڻي جو 1937ع ۾ پهريون صدر منتخت ٿيو. هن قائداعظم جي قيادت ۾ ضلعي لاڙڪاڻي ۾ مسلمانن لاءِ وڏي محنت ۽ جدوجهد ڪئي، ۽ لاڙڪاڻي ضلعي ۾ مسلم ليگ کي عوام ۾ مقبول ڪرڻ ۾ پنهنجو ڪردار ادا ڪيو. علي گوهر لاهوري 18 آڪٽوبر 1938ع ۾ مسلم ليگ جي صوبائي ڪائونسل ڪراچي جي اجلاس ۾ پڻ شرڪت ڪئي. علي گوهر انڊيا مسلم ليگ'>آل انڊيا مسلم ليگ ڪائونسل جو 1941ع کان 1943ع تائين ميمبر رهيو. ان کان سواءِ اينگلو عربڪ ڪاليج اجميري گيٽ دهليءَ جي تاريخي اجلاس ۾ سنڌ جي نمائندگي ڪيائين. مسجد منزل گاهه واري واقعي ۾ مسلمانن جي ڀرپور مدد ڪيائين ۽ سندن مالي سهائتا پڻ ڪئي. هيءُ سنڌ مدرسي لاڙڪاڻي جي انتظامن هلائڻ واري ڪاميٽيءَ جو چيئرمئن به رهيو، ۽ نوجوانن کي سهولتون فراهم ڪرڻ، تعليم جي واڌاري لاءِ ڪيتريون ئي ڪوششون ورتائين. علي گوهر لاهوري لاڙڪاڻي ميونسپالٽي ۽ ڊسٽرڪٽ ڪائونسل جو لڳاتار 20 سال ميمبر رهيو ۽ شهر جي ترقي ۽ عوام جي خدمت ۾ پاڻ ملهايائين. هيءُ سياست، تعليم جي شعبن کان سواءِ راندين ۾ پڻ سنڌ سطح جو ڪرڪيٽيئر ۽ ٽينس جو رانديگر رهيو. 1951ع تائين ڪيترائي ڪپ، تمغا ۽ انعام حاصل ڪيائين.علي گوهر لاهوري تقرير جو وڏو ماهر ۽ انگريزي ادب سان دلچسپي رکندو هو. هن اردو ٻوليءَ ۾ شاعري پڻ ڪئي، ۽ سندس تخلص ‘يڪتا’ هو. علي گوهر بزم مشاعره لاڙڪاڻي جو صدر به رهيو. ضلعي اندر مشاعرن جي واڌاري ۾ ڪوششون ورتائين. هن 1925ع ۾ عراق، ايران جا دورا پڻ ڪيا. لاڙڪاڻي شهر جو علي گوهر آباد محلو به سندس نالي سان آباد آهي. هن 6 ڊسمبر 1943ع ۾ وفات ڪئي.
لفظ علي گوهر لاهوريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1912.10.12 عيسوي
تحريڪ پاڪستان جو نامور اڳواڻ ۽ سياستدان علي گوهر لاهوري ولد نواب حاجي اميد علي خان لاهوري، 12 آڪٽوبر 1912ع تي لاهوري محلي، لاڙڪاڻي ۾ پيدا ٿيو.
1943.12.06 عيسوي
علي گوهر لاهوري 6 ڊسمبر 1943ع ۾ وفات ڪئي.
شخصيتون - ڀاڱي جون ٻِيون داخلائون
استاد مجاهد چانڊيوعمراڻي فضل محمد پروفيسر
ڄام بايزيد سمو
ڀيم سين جوشي
بشير احمد
حاجي علي محمد کوسو
عبدالرحيم مگسي
تنيو نذير احمد
شادي شهيد فقير
چنيسر2