قادر بخش طالباڻي
قادر بخش طالباڻي
قادر بخش طالباڻي: قادر بخش طالباڻي 6 مئي 1940ع تي، آمري، تعلقي ڪوٽڙي (هاڻوڪي مانجهند) ضلعي دادوءَ (هاڻوڪي ڄام شوري) ۾ احمد خان طالباڻيءَ جي گهر ۾ جنم ورتو. سندس والد بہ استاد هو. هن گريجوئيشن تائين تعليم حاصل ڪئي. هن پنھنجي عملي زندگيءَ جو آغاز 1956ع ۾ پرائمري استاد طور ڪيو. جنھن دور ۾ جان محمد جمالي ۽ ٻين گڏجي پرائمري استادن جي تنظيم آل سنڌ پرائمري ٽيچرس ائسوسيئيشن (پ. ٽ. الف) جو بنياد وڌو تہ هن ان ۾ سرگرم ٿي حصو ورتو. استادن جي جائز مسئلن جي حل لاءِ 1985ع ۾ بک هڙتال ڪرڻ تي، ڪجهہ استادن سان گڏ هن جي بہ نوڪري ختم ڪئي وئي، جيڪا بينظير ڀٽو جي پھرئين حڪومتي دور ۾ ٻيھر بحال ٿي. هو 1994ع کان 1996ع تائين ۽ 1997ع کان 1999ع تائين ٻہ ڀيرا پ. ٽ. الف جو مرڪزي صدر ٿي رهيو ۽ استادن جي حقن لاءِ جدوجھد ڪندو رهيو. ڪامريڊ عزيز سلام بخاريءَ جي صحبت ۾ رهڻ ڪري ڪجهہ عرصو ڪميونسٽ پارٽيءَ ۾ بہ شامل رهيو. قادر بخش طالباڻي تعليم جي موضوع تي لاتعداد مضمون لکيا، جيڪي ’عبرت‘ ۽ ٻين اخبارن ۾ ڇپجندا رهيا. سندس لکڻين جو مُکيه موضوع سنڌ جي تعليم ئي رهيو. 1999ع ۾ تعليم کاتي مان رٽائرڊ ٿيڻ کان پوءِ سجاڳي پبليڪيشن جو بنياد وجهي ڪيترن ئي اديبن جا ڪتاب شايع ڪرايائين، جن ۾ سيد اڪبر شاھہ، قاسم پٿر،رسول بخش درس'> رسول بخش درس، عطا محمد ڀنڀري، ڪامريڊ باقر سنائي، عبدالرشيد لغاري ۽ ٻين بابت ڪتاب اچي وڃن ٿا. ان کانسواءِ پاڻ ’کاهوڙي کرا‘ جي نالي سان ڪتاب ڇپايائين، جنھن ۾ پ ٽ الف، استادن ۽ استاد جدوجھد جو احوال آهي. هن سجاڳي ڪتاب گهر بہ قائم ڪيو، جيڪو وڏي عرصي تائين علمي، ادبي سرگرمين جو مرڪز پڻ رهيو. سندس ڇپيل ڪتابن ۾: سارون ۽ سنڀارون (سيد اڪبر ۽ دوستن جا خط: 2005ع)، هيرن جهڙو ماڻهو: سيد اڪبر (ترتيب: 2009ع)، ڏکيا سُکيا ڏينھڙا (آتم ڪٿا: 2015ع) شامل آهن. قادربخش طالباڻي 11 نومبر 2025ع تي ڪوٽڙي ۾ وفات ڪئي.
لفظ قادر بخش طالباڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1940.05.06 عيسوي
قادر بخش طالباڻي 6 مئي 1940ع تي، آمري، تعلقي ڪوٽڙي (هاڻوڪي مانجهند) ضلعي دادوءَ (هاڻوڪي ڄام شوري) ۾ احمد خان طالباڻيءَ جي گهر ۾ جنم ورتو.
2025.11.11 عيسوي
قادربخش طالباڻي 11 نومبر 2025ع تي ڪوٽڙي ۾ وفات ڪئي.
شخصيتون - ڀاڱي جون ٻِيون داخلائون
ضمير مرزا زرقيٻاگهل ٻائي
چنا محمد عالم
پير شاھہ قادري بديڻائي
سيد خيرالدين گيلاني
عثمان راهوڪڙو
الاهي بخش ٻانڀڻ
چنيسر3
عبدالڪريم ميربحر
شيخ علي سيوستاني