پيرل پرديسي، سيتائي: مشهور شاعر پيرل پرديسيءَ جو مڪمل نالو پيرل ولد محمد پريل سولنگي هو، سندس جنم پهرين نومبر 1947ع تي ڳوٺ گرماڻي چانڊيي، تعلقي دادوءَ ۾ ٿيو. جتي هو پنج درجا سنڌي پڙهيو ۽ وڌيڪ تعليم حاصل نه ڪري سگهيو. بعد ۾ اباڻو ڳوٺ ڇڏي سيتاروڊ ۾ اچي رهائش اختيار ڪيائين، جتي ٻيڙين ۽ تماڪ جو دُڪان کولي گذر سفر ڪيائين. ادب جي دنيا ۾ هن ’پيرل پرديسيءَ‘ جي نالي سان 1965ع کان شاعريءَ جي شروعات ڪئي. سندس شاعري مختلف رسالن ۽ اخبارن ۾ ڇپجندي رهي. شاعريءَ ۾ سندس استاد سعدل صوفي ۽ بشير سيتائي هئا. پيرل پرديسيءَ جي شاعريءَ جو ڪتاب”دل آئينو، پٿر دنيا“ 1992ع ۾ ڇپجي پڌرو ٿيو، جنهن جو مهاڳ استاد بخاريءَ لکيو ۽ ڪتاب جي بئڪ ٽائيٽل تي بشير سيتائيءَ جا تاثرات آهن. هن 29 ڊسمبر 2002ع تي وفات ڪئي.
1947.11.01 عيسوي
پيرل پرديسي سيتائي پهرين نومبر 1947ع تي ڳوٺ گرماڻي چانڊيي ، تعلقي دادوءَ ۾ ٿيو
2002.12.29 عيسوي
پيرل پرديسي سيتائي 29 ڊسمبر 2002ع تي وفات ڪري ويو