ڀاڳچنداڻي، رام نولراءِ ”گيان“: ڀاڳچنداڻي رام نولراءِ 12 ڊسمبر 1922ع تي چڪ ضلعي سکر ۾ ڄائو. مضمون نگار، ناٽڪ نويس ۽ ترجمي نگار جي حيثيت سان مشهوري حاصل ڪيائين. سندس ترجمو ڪيل ۽ ڇپيل ڪتابن ۾ (1) ڀڳت ۽ ڀڳوان، (2) اپنشدن جو سنديش، (3) هي ڌن ڪنهن جو ۽ (4) جاڳ اي انسان وغيرہ شامل آهن. شڪارپور مان نڪرندڙ ’سنڌو‘ رسالي ۾ هن جا ڪيترا ئي ليک شايع ٿيل آهن. هن جا ڪجهہ ڪتاب گجراتيءَ مان سنڌيءَ ۾ بہ ترجمو ٿيل ملن ٿا. رام نولراءِ ماهوار رسالن ”گلستان“ ۽ سالياني رسالي ”هنس“ جو ايڊيٽر بہ رهيو. سندس ناٽڪ ۽ ٻيون رچنائون آل انڊيا ريڊئي تان بہ نشر ٿيل آهن. ورهاڱي کان پوءِ وطن جا وڻ ڇڏي، احمد آباد (ڀارت) ۾ رهائش اختيار ڪيائين.
1922.12.12 عيسوي
ڀاڳچنداڻي رام نولراءِ 12 ڊسمبر 1922ع تي چڪ ضلعي سکر ۾ ڄائو