گل محمد جکراڻي
گل محمد جکراڻي
گل محمد جکراڻي: گل محمد خان ولد عارف خان جکراڻيءَ جو جنم 20 ڊسمبر 1960ع تي، ڳوٺ محمد عارف خان جکراڻي، تعلقي ۽ ضلعي ڪشمور ۾ ٿيو. سندس تعليم ايم. اي اڪنامڪس (سنڌ يونيورسٽي) آهي. هن سياست جي شروعات جيئي سنڌ اسٽوڊنٽ فيڊريشن جي پليٽ فارم تان ڪئي ۽ مرڪزي عھديدار به رهيو. سنڌ يونيورسٽيءَ ۾ پڙهڻ دوران مٿس ڪيس به داخل ٿيا.
17 آڪٽوبر 1984ع تي چانڊڪا ميڊيڪل ڪاليج لاڙڪاڻي جي هڪ پروگرام ۾ شرڪت لاءِ سنڌ يونيورسٽيءَ جي شاگردن جي بس وڃي رهي هئي ته اُن وقت قانون لاڳو ڪندڙ اهلڪارن ٽوڙهي ڦاٽڪ وٽ اُن بس مٿان فائرنگ ڪئي، جنھن ۾ پنج ڄڻا انور عباسي، امان الله وسطڙو، عبدالمالڪ خشڪ، ذڪريا ميمڻ ۽ بس ڊرائيور مِٺو بليدي شھيد ٿي ويا. خان قريشي'>بشير خان قريشي، گل محمد جکراڻي، ستار موريي، اقبال تنيي، ڊاڪٽر دودو مھيري، عمر زرداري، نظير تنيو، سلمان جتوئي ۽ سڪندر ميراڻي سميت ڪيترن ئي شاگردن کي گرفتار ڪري نارا جيل حيدرآباد موڪليو ويو. جتي ڪيترائي سال قيد ۾ رهيا. ان ڪيس ۾ سندن ضامن نامور سياستدان ۽ سماج سڌارڪ علڻ خان ٿيٻو پيو هو. ڪيس ثابت نه ٿيڻ تي، کين باعزت بري ڪيو ويو. گل محمد جکراڻي، جي ايم سيد جي وفات کان پوءِ 1996ع ۾ جيئي سنڌ تان استعيفى ڏئي، ممتاز ڀٽي جي پارٽي ’سنڌ نئشنل فرنٽ‘ ۾ شامل ٿيو. جنھن ۾ ڪيترائي سال مرڪزي عھديدار رهيو. هن نومبر 2007ع ۾ پ پ پ ۾ شموليت اختيار ڪئي ۽ 2008ع جي چونڊن بعد قومي اسيمبليءَ جو ميمبر چونڊيو ويو. پ پ پ ضلعي ڪشمور جو صدر به رهيو آهي. گل محمد جکراڻيءَ جو عدالتي بيان ’تاريخ اسان سان انصاف ڪندي‘ نالي سان ڪتابي صورت ۾ ڇپيل آهي.
لفظ گل محمد جکراڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1960.12.20 عيسوي
گل محمد خان ولد عارف خان جکراڻيءَ جو جنم 20 ڊسمبر 1960ع تي، ڳوٺ محمد عارف خان جکراڻي، تعلقي ۽ ضلعي ڪشمور ۾ ٿيو.
شخصيتون - ڀاڱي جون ٻِيون داخلائون
شجاعت علي بکريڊيوڊراس
ڀٽو مولا بخش مسڪين
بابو پليجو
سيد مظفر علي شاھہ مظفر
ڀٽي دوست محمد
صلاح الدين ايوبي
ڀوڄراج جهمٽ مل موٽواڻي2
چانڊيو شھمير خان
ابڙو وريل فقير