گوبند خوشحالاڻي
گوبند خوشحالاڻي
گوبند خوشحالاڻي: گوبند خوشحالاڻيءَ جو پورو نالو گوبند ڪوٽومل خوشحالاڻي آهي. سندس جنم 25 جنوري 1940ع تي موري جي ’ابڙان‘ نالي ڳوٺ ۾ ٿيو. انگريزي ادب ۾ گريجوئيشن ڪرڻ بعد ’انشورنس انسٽيٽيوٽ آف انڊيا‘ جي فيلوشپ حاصل ڪيائين. زندگيءَ جو وڏو حصو ’نيو انڊيا انشورنس ڪمپني‘ ۾ ڪم ڪرڻ کان پوءِ احمد آباد ۾ پنھنجو ڪاروبار شروع ڪيائين. ھن لکڻ جي شروعات ننڍپڻ کان ڪئي. نائين درجي ۾ پڙهڻ دوران 15 سالن جي عمر ۾، 1955ع ۾ سندس پھرين ڪھاڻي ’نيو سنسار سماچار‘ رسالي ۾ ڇپي.
سندس مشھور ڪتابن ۾: ’هڪ دفعو وري‘ (ناول: 2003ع)، ’پيار ۾ پاڻ ڪھڙو‘ (ناول: 2005ع)، ’هرديڳي چمچا‘ (ڪھاڻيون: 2005ع)، ’پاڻ هُرتڙيون مايون‘ (2002ع)، ’گلستان غليظ ٿي رهيو آهي‘ (ناول: 2004ع)، ’استمراري‘ (ڪھاڻيون: 2006ع)، ’ملڪ ته منھنجو‘ (ناول)، ’دل ڪر درخت جي دستور‘ (ناول: 2007ع) ۽ ’اٿي الا (ناول: 2010ع) شامل آهن. ان کانسواءِ Chachnamah Retold (چچنامو اڄ جي انداز ۾- انگريزيءَ ۾ ترجمو ڪري ڇپايائين (جنھن جو سنڌي ترجمو: 2008ع ۾ هند ۾ ڇپيو ۽ ان جو ٻيو ڀيرو ڇاپو سنڌ ۾ 2017ع ۾ ڇپيو). گوبند 7 مئي 2014ع تي احمد آباد، انڊيا ۾ لاڏاڻو ڪري ويو.
لفظ گوبند خوشحالاڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1940.01.25 عيسوي
گوبند خوشحالاڻيءَ جو پورو نالو گوبند ڪوٽومل خوشحالاڻي آهي. سندس جنم 25 جنوري 1940ع تي موري جي ’ابڙان‘ نالي ڳوٺ ۾ ٿيو.
2014.05.07 عيسوي
گوبند 7 مئي 2014ع تي احمد آباد، انڊيا ۾ لاڏاڻو ڪري ويو.
شخصيتون - ڀاڱي جون ٻِيون داخلائون
غلام فاطمہ شيخراجا نند
خانبهادر علي مراد خان ڌاريجو اول
حنيف صديقي
اياز
ادا قاضي
ڄام مھر علي جوکيو
جلال الدين رومي
مراد فقيرسنديلو
احمد خان ملڪاڻي