ميرغلام ﷲ خان ٽالپر شاهواڻي: سنڌ جو ناميارو شاعر مير غلام ﷲ خان شاهواڻي ولد سردار بھادر مير حاجي حسين بخش خان ٽالپر سيپٽمبر 1908ع تي ٽنڊي محمد خان ۾ ڄائو. ابتدائي تعليم قرآن شريف ۽ سنڌي پنهجي ڳوٺ مان ۽ انگريزي جي تعليم حيدرآباد ۽ عليڳڙھہ مان حاصل ڪيائين. هو سنڌي، انگريزي ۽ فارسي ٻوليءَ جو ماهر ۽ هڪ سياسي، سماجي ڪارڪن ۽ هڪ سٺو شاعر هو. سندس شاعري ۽ ڪافيون مختلف اخبارن ۽ رسالن ۾ ڇپيل آهن. هو سنڌ اسيمبليءَ جو ميمبر رهيو. ٽنڊي محمد خان ميونسپالٽيءَ جو پريزيڊنٽ ۽ ان کان پوءِ بچاءُ ڪميٽيءَ جو چيئرمين ۽ اخبار جو ايڊيٽر پڻ رهيو. سندس ڪتاب ۾ شاعريءَ جو ”بياض عاشق جون آهون“ (1943ع) ۽ ”فري ورس“ (1981ع) ڇپيل ۽ ” دل جو چراغ“ اڻ ڇپيل صورت ۾ موجود آهن. هو 10 ڊسمبر 1944ع تي وفات ڪري ويو.
1908.09.00 عيسوي
ميرغلام الله خان شاهواڻي سيپٽمبر 1908ع تي ٽنڊي محمد خان ۾ ڄائو
1944.12.10 عيسوي
ميرغلام الله خان شاهواڻي 10 ڊسمبر 1944ع تي وفات ڪري ويو .