داخلا ؛ 2890
پڙهيو ويو ؛ 638
پسند ڪيو ويو ؛ 0
تاريخ ؛ 2012-03-15


تصويرون




ٽائيم لائين




sindhianaسنڌيانا--آسا

ٽائيٽل ؛ آسا


شاخ : راڳڻي

آسا: سنڌ توڙي ھند جي راڳ جي نظام ۾ ھڪ راڳڻي يا راڳ، جيڪو صبح جو ڳايو ويندو آھي، لفظ ”آسا“ (سنسڪرت ”آشا“) جي معنيٰ ئي آھي اميد، آرزو، تمنا، خواھش وغيره، تنھنڪري ھن راڳ کي -آس- ۽ -ارداس- جو راڳ به چيو ويو آھي. راڳ جي ڪتابن موجب ھڪڙا راڳ ۽ راڳڻيون، جيڪي فقط ڪنھن ھڪ علائقي ۾ رائج ھوندا آھن، -تن- کي ديسي راڳن ۾ شمار ڪيو ويندو آھي، مثال طور سنڌ ۾ مولود، مورا، راڻو، ڪوھياري وغيره ديسي راڳڻين ۾ شمار ٿيندا آھن. ٻيا راڳ ”مارڳ راڳ“ سڏبا آھن، -جن- مان ڪن راڳن جا نالا ھي آھن:ڪلياڻ، يمن ڪلياڻ، کنڀات، سري راڳ، سھڻي، سارنگ، پرڀاتي، آسا، پورب وغيره. ”آسا“ جو سر به ”مارڳ سرن“ ۾ شامل آھي.
-آسا- راڳڻي، سنڌ ۾ آڳاٽي وقت کان ھلندڙ آھي ۽ -ان- ۾ عوامي قصا ڳايا ويا آھن، اھا ’نج سنڌي آسا‘، ھندستاني راڳ جي ”آسا“ سان ملندڙ آهي، پر ايتري فرق سان جو ”سنڌي آسا“ جي الڳ صورت ظاھر ٿي آھي. سنڌ جي ’نج سنڌي آسا‘ ۾ بانڪي شاھ بھرام جي ڳالهه کڻندا ھئا. ڪافين ۽ ڪلامن جي موضوعن جي لحاظ سان عام ڳائڻ ۾ به ’آسا‘ کي ’آس ۽ ارداس‘ جي راڳڻي چيو ويو آھي. -ان- روايت موجب ئي خليفي نبي بخش صاحب پنھنجي رسالي جو ’سر آسا‘ جنھن -بيت- سان شروع ڪيو آھي، تنھن جي پھرين سٽ آھي:
”آسا ڪر -الله- جي، در در پـِن م دان“
شاھ لطيف جي راڳ ۾ راڳ توڙي موضوع جي لحاظ سان ’سر آسا‘ جيئن ڳائجي ٿو ته اھو ھندستاني راڳ جي ”شڌ آسا“ معلوم ٿئي ٿو. شاھ جو ”سر آسا“ ھڪ وڏو معنوي سر آھي ۽ -ان- جي بيتن ۾ حقيقت جا ڳوڙھا معنوي اشارا ڏنل آھن. ھن سر ۾ ڪنھن روايتي پس منظر ۽ ماحول بدران -تصوف- جي رازن ۽ رمزن وارو فڪر سمايل آھي، جنھن ۾ مجاز ۽ حقيقت جي مثالن، صوفياڻي فڪر جي باريڪ اشارن ۽ سالڪن جي سلوڪ وارين منزلن ۽ مرتبن جا اھڃاڻ ڏنل آھن. -ان- کان سواءِ ”مجاز“ جا مختلف پھلو پڻ نروار ڪيل آھن .
ڪامل بصيرت وارن سالڪن کان سواءِ ٻين جي نظر ناقص آھي، جو اھي جزن کي ڏسندي، -ان- ڏسڻ ۾ رھجي ويا ۽ ”ڪل“ کي ڪين سڃاتائون.
ھن ۾ محبت جو راز ۽ -ان- راز يا لڪ جي ماھيت ڏانھن اشارا آھن. خاص طرح سالڪ جي ’تسليم۽ رضا“ واري منزل ۽ مرتبي جا اھڃاڻ آيل آھن.
مطلب ته ”سر آسا“ ڳرو ۽ ڳوڙھو معنوي سر آھي ۽ ھن سر ۾ -تصوف- جو اعليٰ فڪر سمايل آھي. انھيءَ لحاظ سان، ھن سر جي معنوي اھڃاڻن تي ڀٽائيءَ کان اڳ سنڌ جي عارفن ۽ سالڪن -بيت- چيا هئا، -جن- ۾ قاضي قادن ۽ شاهه ڪريم اچي وڃن ٿا.




رايا ؛
حوالو ؛ انسائيڪلوپيڊيا سنڌيانا (جلد پهريون)

ڇا اوهان وٽ -آسا- سان لاڳاپيل ڪو مواد تصوير يا نقشو وغيره آهي، ته اوهان اهو مواد انسائيڪلوپيڊيا سنڌيانا سان شيئر ڪريو، اسان هن داخلا کي اوهان جي مواد سان وڌيڪ بهتر بڻائينداسين.
مواد موڪلڻ لاءِ ڪلڪ ڪريو
ڇا هي مضمون اوهان کي پسند آيو ته هن بٽڻ تي ڪلڪ ڪريو
//
مکيه صفحو
داخلا صفحو
فهرست موضوع
فهرست الف ب
تاريخ جا حوالا
تصويرون
جامع سنڌي لغت
سنڌي انگريزي لغت
بلاگ ۽ بحث
مدد ڪريو
ڊاڪومينٽيشن
اسان بابت
رابطو ڪريو

آسا - مان نڪتل ٻيون شاخون-


راڳڻي - موضوع جون ٻيون داخلائون-
بڀاس
بڀاس (راڳڻي ماروا ٺاٺ)
اڙانا
بڊهنس
براري
بروا
بروئو
اليا بلاول
بسنت (راڳڻي)
بسنت مکاري
اڀوڳي ڪانڙو
اڀيري
آڙي بسنت
اوغان
اهير ڀيرو اهير ڀيروون
آسا
آساوري
بلاس خاني ٽوڙي
بلاول
بلاول (راڳڻي)
ايمن ڪلياڻ
ايمني بلاول
بهاڳ
بندرا بني
بنگال ڀيرو
بهادر ٽوڙي
بهاگڙا
تلڪ شيام
ڀاريا
تلنگ
ڀِڀاس/ بِڀاس
ڀٽيار
ڀکار
ترون
ڀوپالي
ڀيرو
ڀيروي
ڀيم پلاسي
ٽوڙي3
جلندر ڪيڏارو
جانسم موهني
پٽ منجري
جوڳ
جوڳيا
جونپوري


.....راڳڻي موضوع جون وڌيڪ داخلائون

انسائيڪلوپيڊيا سنڌيانا، پراجيڪٽ آف سنڌي لئنگئيج اٿارٽي، حق ۽ واسطا محفوظ آهن