انعام شيخ
انعام شيخ
انعام شيخ: برک اديب، نقاد، مترجم، ڪالم نگار ۽ مضمون نويس انعام شيخ ،3 فيبروري 1962ع تي لاڙڪاڻي ۾ ڄائو. سندس خانداني نالو انعام الله پٽ حاجي گل محمد شيخ آهي. 1983ع ۾ ڪراچي يونيورسٽيءَ مان بي اي آنرس (فلاسافي) پاس ڪري، سنڌ يونيورسٽي مان ايم اي انٽرنيشنل رليشنز ۾ ڪيائين. پھرين اردو ڪاليج ڪراچيءَ ۾، 5 ڊسمبر 1989ع تي ليڪچرر ٿيو، ان کانپوءِ 1997 ۾ سنڌ يونيورسٽيءَ ۾ ليڪچرر مقرر ٿيو. 2008ع ۾ ساڳئي اداري ۾ اسسٽنٽ پروفيسر ٿيو. هي آڪٽوبر 2003ع کان جولاءِ 2006ع تائين ٽن سالن لاءِ سنڌي ادبي بورڊ جو سيڪريٽري به رهيو ۽ ڪيترائي ڪتاب ڇپرايائين. هن وقت علامه اقبال اوپن يونيورسٽي ۾ ڊائريڪٽر جنرل طور سندس سربراهي ۾ سنڌ سميت سڄي ملڪ ۾ تعليمي منصوبن سميت ترقياتي ڪم ٿي رهيا آهن. انعام شيخ بھترين مترجم آهي، سندس ترجمو ڪيل ڪتاب پڙهندڙن وٽ گھڻو پسند ڪيا ويا آهن. سندس اهم ڪتابن ۾ ”سوچ جو سفر“ (1996ع)، ”اِتهاس جا آواز“ (1997ع)، ”سونھن، عشق ۽ سنسار“ (1998ع) ۽ ”سنڌي سماج، ادب ۽ سياست“ (1999ع)، ”بين الاقوامي تعلقات جي لغت“ (2012ع) ۽ ”پرمانند ميوارام“ (2017ع) شامل آهن. انعام شيخ پرنٽ، اليڪٽرانڪ ۽ سوشل ميڊيا تي به انتهائي متحرڪ آهي ۽ سماجي، ادبي ۽ سياسي حلقن ۾ پنهنجي چٽي/کري موقف سبب سڃاتو وڃي ٿو.
لفظ انعام شيخھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1962.02.03 عيسوي
انعام شيخ 3 فيبروري 1962ع تي لاڙڪاڻي ۾ ڄائو
اديب - ڀاڱي جون ٻِيون داخلائون
ڪاشف حسين سومروالياس سيتا پوري
الطاف جوکيو ڊاڪٽر
دين محمد ڪلهوڙو ڊاڪٽر
صديقي محمد علي ڊاڪٽر
اويس ڀٽو
حيدر سنڌي ڊاڪٽر
گوبند پنجابي
شريف شاد سومرو ڊاڪٽر
خير محمد ٻرڙو سيوهاڻي