حامد علي مرزا
حامد علي مرزا
حامد علي مرزا: مرزا حامد علي ولد مرزا علي نواز بيگ ڪربلائي، 19 مارچ 1925ع تي ٽنڊي آغا، حيدرآباد جي علمي ۽ ادبي گهراڻي ۾ جنم ورتو، ابتدا ۾ قرآن پاڪ ۽ فارسيءَ جي تعليم پنهنجي خاندان جي بزرگن خاص ڪري مرزا قربان علي بيگ وٽ حاصل ڪيائين ۽ ان کانپوءِ نور محمد هاءِ اسڪول مان انگريزي تعليم ورتائين. هن تعليم مڪمل ڪرڻ کانپوءِ 1939ع کان 1959ع تائين مختلف سرڪاري کاتن ۾ ملازمت اختيار ڪئي. چوڏهن سالن جي عمر ۾ شاعري شروع ڪيائين. شاعريءَ ۾ مرثيا، سلام، نوحا، غزل، حمد، نعت، رباعي، قصيدي جي صنفن تي طبع آزمائي ڪيائين. شعر ۾ شيخ محمد ابراهيم خليل کان اصلاح ورتائين ۽ مرزا بخش علي بيگ ’ڪوثر‘ کان شاعريءَ جو علم سکيو. سرڪاري ملازمت ۾ هن جي طبيعت نه لڳي، ان ڪري 1959ع ۾ ملازمت ڇڏي. 1960ع کان 1991ع تائين حيدرآباد جي ٽالپر حڪمران گهراڻي وٽ ملازم ٿي رهيو. اڪثر مشاعرن ۾ خاص ڪري بزم خليل جي مشاعرن ۾ شرڪت ڪندو هو. مرزا صاحب شاعريءَ کانسواءِ محرم جي عزاداريءَ جي ڏينهن ۾ مرثيا خواني ۽ سوز خواني ڪندو هو. خطاطي (خوش خطي) ۾ به کيس وڏي مهارت حاصل هئي، هن جي ڪلام جو ’ڪليات حامد‘ مرزا، فياض علي بيگ مرتب ڪيو ۽ سندس مختصر سنڌي ڪلام مرزا فتح علي بيگ شاهد ترتيب ڏنو، جيڪو سندس وفات کانپوءِ 1994ع ۾ گلشن پبليڪيشن حيدرآباد ڇپائي پڌرو ڪيو. سنڌ جي هن نامور شاعر، ڊسمبر 1991ع تي وفات ڪئي، سندس تدفين ٽنڊي آغا جي اباڻي قبرستان ۾ ڪئي وئي.
لفظ حامد علي مرزاھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1925.03.19 عيسوي
مرزا حامد علي ولد مرزا علي نواز بيگ ڪربلائي، 19 مارچ 1925ع تي ٽنڊي آغا، حيدرآباد جي علمي ۽ ادبي گهراڻي ۾ جنم ورتو،
1991.00.00 عيسوي
سنڌ جي هن نامور شاعر، ڊسمبر 1991ع تي وفات ڪئي، سندس تدفين ٽنڊي آغا جي اباڻي قبرستان ۾ ڪئي وئي.
شخصيتون - ڀاڱي جون ٻِيون داخلائون
ڀڳت چنديرامڄام نندو خان ٽالپر
چانڊيو سٻڙ خان
پيرزادو زاهد حسين
تاج محمد مشتاق
ارباب نورمحمد پليجو
عثمان ٻرڙو
ڀڳت سنتو داس
رڪ صاحب فقير
ابڙو خدا بخش