داخلا نمبر	2195
عنوان	ان
شاخ	کاڌ خوراڪ
پڙهيو ويو	8007 ڀيرا
داخلا جو حوالو	انسائيڪلوپيڊيا سنڌيانا جلد پهريون

ڪڻڪ جا داڻا

ان

اَن: ڪنهن به ملڪ جي زرعي پيدوار، جيڪا اناج جي صورت ۾ هجي، ۽ اُهو رِڌي کائجي. جيئن چانور، ڪڻڪ، جوئر، ٻاجهر، جَوَ، مڪائي وغيره. قديم زماني ۾ اهي سڀ جنسون گاهه ۾ شامل هيون، جن کي پوءِ انسان ذات پنهنجيءَ حڪمت سان، سٺيءَ زمين ۾ سلا هڻي، انهن جي پوک کي ارتقائي صورت تي رسايو. ان کان پوءِ اناج ذريعي پوک ٿيڻ لڳي. اَنَ کي ”اناج“ به چوندا آهن. اَن کي برڪت جي علامت سمجهي ان کي ”نور“ به سڏيندا آهن. ”ان ڀٽاري“ طور قسم به کڻبو آهي. سنڌيءَ ۾ چوڻي آهي ته ”اَنُ آهي ته ايمان آهي.“